【2019秋冬唇膏推薦】- 增加魅力一篇搞掂!幫您靚到極致- Stunning lipsticks for 2019 winter: Let’s look gorgeous!
女人點可以無唇膏? 唇膏可以令您嘅笑容錦上添花, 燦爛到極點! 想増加男士嘅回頭率? 錯過呢篇您就輸蝕啦!
臨近聖誕新年, 大家都有大大小小嘅活動及聚會要參加。想明艷照人, 靚絕全埸? 除咗衣著, 亮麗嘅妝容係必要的!! 眼妝可以增加發電量, 唇色就可以提升性感度, 所以靚嘅女人(女神)一定至少有一枝必殺武器—- 唇膏 !!!!
都明白大家無咩時間, 為咗幫大家變靚, 小編已經搜羅哂資料, 精簡地歸納出以下要點, 務求幫大家慳時間嘅同時, 係今個秋冬揀到心水嘅唇膏。
必定要知!!! 2019 靚爆全城嘅(Top 5 Lipstick Brands ) 五大超受歡迎的唇膏品牌:
排名不分先後:
- Chanel Rouge Allure Ink Fusion
- Dior Addict Lip Tatto
- Giorgio Armani Beauty
- YSL
- Guerlain
- Chanel : Rouge Allure Ink Fusion (極致霧面染唇液)
講到Chanel 唇膏, 2019一定要知嘅當然係 Rouge Allure Ink Fusion (極致霧面染唇液) 。今次主打霧面唇感, 進一步提升水潤度， 好適合秋冬塗上。
真係睇到隻色都會心動 ! Chanel Rouge Allure Ink Fusion #806可謂集優雅溫柔嫵媚於一身。官方形容呢隻唇膏為: ” 一款無比持久貼服的液體唇膏。獨一無二的超細緻質感，成就無懈可擊的完美唇色，打造防水和極致持久的妝效。” 嘩….真係聽到都想買。不過講真，買開唇膏嘅都真係一定聽過呢枝Chanel #806 Pink Brown唇膏!!! 呢隻係2019 “超火” 熱門嘅唇膏, 唔單只質感柔滑舒適，而且能夠維持8小時唔甩色，難怪明星Anne Hathaway 都追捧，真係水潤到爆燈。
2. Dior: Addict Lip Tatto (亮色美唇液)
呢款 Dior Addict Lip Tatto 亮色美唇液系列真係一直都好受歡迎, 除咗顏色充滿活力外, 仲有清新芳香, 想帶出”甜美得惹人垂涎 ” 嘅感覺。
其中2019秋冬會令您瞬間迷上嘅當然就係# 421 Natural Beige，隻色超好睇而且非常好搭配。唔單止輕盈亮麗，堪稱「最美的肉桂奶茶色」，而且好似有一層唇膜保護雙唇咁滋潤。如果您想俾人一種健康又有活力，同時帶點高貴嘅感覺時，呢枝絕不能少!!
3. Giorgio Armani Beauty LIP MAESTRO ( 絲絨啞亮唇彩 )
Giorgio Armani推出嘅 Lip Maestro係第一款具有天鹅絨般舒適質感嘅唇彩，可以話仙氣十足，啞色得嚟又有獨特嘅光澤。
當中#509 Ruby Nude 經過內地唇膏一哥神級嘅推薦後，真係賣得好火爆。原因係呢隻色真係完全可以表現出一種高貴美艷帶有輕盈感覺嘅唇妝，誘惑力十足，具有攝人氣質嘅魅力， 手快有手慢就當然無啦，扮靚點可以遲….姊妹們買咗未?
4. YSL : Oil in stick lipstick (迷魅亮彩唇膏)
呢款迷魅亮彩唇膏殺食之處係超級水潤，而且配有豐唇精華及透亮粒子 ，塗上之後雙唇睇上去剔透水滴滴，豐潤到真係想鍚落去，簡直無可抗拒!
雖然YSL #80 水潤清透楓葉色 (又稱「新鮮蕃咖」色) 係2019春夏熱賣嘅色調，但由於佢質地超級水潤，俾人一種挑逗嘅水光感， 我諗大家一年四季都需要呢種甜蜜誘惑唇，進入秋冬仍然可以買嚟營造水光迷幻清麗嘅氣質!
5. Guerlain: Rouge G Matte Lipstick (寶石霧面豐盈唇膏)
Guerlain唇膏被譽為「皇妃級」嘅風尚瑰寶 。無論係外型包裝和唇膏嘅質素嚟睇，都係數一數二。 唇膏含有黑籽油（black seed oil）成份，極具保濕妙效 。佢嘅唇膏盒仲可以根據個人喜好，配襯出屬於自己嘅 IT-Colour潮色，凸顯獨特尊貴。
如果大家去睇#24色嘅真身，第一眼睇嘅時候真係會有 “嘩…好鬼靚” 嘅感覺! 呢隻紅除咗超顯白之外，仲有種極其高貴 ” 絕非池中物” 嘅感覺 ! 有樣有智慧嘅女人一定要配一枝，塗上後簡直可以盡顯女人之美! 即使自覺平凡，佢都可以令你變得眼前一亮! 皇妃級嘅魔力的確非同凡嚮!
Source: Chanel, YSL, Giorgio Armani, HK01, instagram, popbee, beauty-upgrade, harpersbazaar, beauty321, xiaohongshu
